îsot

Ji tirkî issi ot (“riweka kel/tûj”), herwiha bide ber sirboxirwatî isiot (“gijnîj”). Ihtimala ku "îsot" ji tirkî ye (tevî ku di tirkî de [êdî] nayê bikaranîn jî) mezin e ji ber ku "îsot" tenê li Bakurê Kurdistanê û deverên nêzîkî wê tê gotin, li deverên din yên Kurdistanê (eger ne deverên Başûr-Rojavaya Kurdistanê yên pirr nêzîkî bakur bin) peyda nabe û di zimanên din yên îranî de nîne. Hin kes bi şaşî wê bi peyva sotin / sot anku şewitîn / şewitî ve girê didin.